Ved 7-tida søndag morgon rykka Vestfold interkommunale brannvesen ut med deltidsmannskap frå stasjon Sande til Klevjerhagen i Holmestrand, etter at 110-sentralen hadde fått telefon om vatn i kjellaren til ein einebustad.
– Det kraftige regnvêret har ført til at regnvatn trengjer inn. Vi svabra og køyrde pumpe for å få vatnet ut, men det var framleis tilsig. Medan vi var på denne adressa fekk vi melding om endå ein kjellarar med vatn på Galleberg, seier utrykkingsleiar Per Magne Sæther.
På Galleberg stod vatnet 15 cm over golvet i einebustaden. Der starta brannvesenet omgåande med å pumpe ut vatn.
– Vi har fått ut det meste, så no tek eigar over. Vedkommande har eiga pumpe og vassugar, fortel utrykkingsleiaren.